ਪੈਰਾ ਮੈਡੀਕਲ ਤੇ ਸਿਹਤ ਕਰਮਚਾਰੀ ਯੂਨੀਅਨ ਦੇ ਸੈਂਕੜੇ ਮੁਲਾਜ਼ਮ 11ਸਤੰਬਰ ਦੀ ਚੰਡੀਗੜ੍ਹ ਰੈਲੀ ਵਿੱਚ ਸ਼ਾਮਲ ਹੋਏ।ਖਰਾਬ ਮੌਸਮ ਦੇ ਚੱਲਦੇ ਵੀ ਹੋਇਆ ਲੱਖ ਦੇ ਕਰੀਬ ਇਕੱਠ।

 

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਪੰਜਾਬ ਐਂਡ ਯੂ ਟੀ ਮੁਲਾਜ਼ਮ ਤੇ ਪੈਨਸ਼ਨਰ ਸਾਂਝੇ ਫਰੰਟ ਦੇ ਸੱਦੇ ਤੇ 11ਸਤੰਬਰ ਨੂੰ ਪੇ ਕਮਿਸ਼ਨ ਦੀ ਅਧੂਰੀ ਰਿਪੋਰਟ ਵਿਰੁੱਧ ਚੰਡੀਗੜ੍ਹ ਵਿਖੇ ਹੱਲਾ ਬੋਲ ਮਹਾਂ ਰੈਲੀ ਵਿੱਚ ਪੈਰਾ ਮੈਡੀਕਲ ਤੇ ਸਿਹਤ ਕਰਮਚਾਰੀ ਯੂਨੀਅਨ ਜ਼ਿਲ੍ਹਾ ਤਰਨਤਾਰਨ ਦੇ ਸੈਂਕੜੇ ਮੁਲਾਜ਼ਮ ਜਿਲਾ ਪ੍ਰਧਾਨ ਵਿਰਸਾ ਸਿੰਘ ਪੰਨੂ ਦੀ ਅਗਵਾਈ ਹੇਠ ਸ਼ਾਮਲ ਹੋਏ।ਜਿਲਾ ਪ੍ਰਧਾਨ ਵਿਰਸਾ ਸਿੰਘ ਪੰਨੂ ਤੇ ਜਨਰਲ ਸਕੱਤਰ ਰਜਵੰਤ ਬਾਗੜੀਆਂ  ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਮੁਲਾਜ਼ਮਾਂ ਦੀਆਂ ਮੰਗਾਂ ਪ੍ਰਤੀ ਸੰਜੀਦਾ ਨਹੀਂ।। ਸਾਂਝੇ ਫਰੰਟ ਵੱਲੋਂ 113%ਮਹਿੰਗਾਈ ਭੱਤੇ ਨੂੰ ਅਧਾਰ ਮੰਨ ਕੇ ਕੀਤੇ ਜਾ ਰਹੇ 15%ਤਨਖਾਹ ਵਾਧੇ ਨੂੰ ਮੂਲੋਂ ਰੱਦ ਕੀਤਾ ਹੈ, ਕਿਉਂਕਿ ਇਹ ਮੁਲਾਜ਼ਮਾਂ ਨਾਲ ਧੱਕਾ ਤੇ ਬੇਇਨਸਾਫ਼ੀ ਹੈ।। ਸਾਂਝੇ ਫਰੰਟ ਦੀ ਮੰਗ ਅਨੁਸਾਰ 1ਜਨਵਰੀ2016ਤੋ125%ਡੀ ਏ ਨੂੰ ਅਧਾਰ ਮੰਨ ਕੇ ਘੱਟੋ-ਘੱਟ 20%ਤਨਖਾਹ ਵਧਾਉਣਾ,, ਪੁਰਾਣੀ ਪੈਨਸ਼ਨ ਸਕੀਮ ਲਾਗੂ ਕਰਨਾ, ਕੱਚੇ ਮੁਲਾਜ਼ਮਾਂ ਨੂੰ ਪੱਕਾ ਕਰਨਾ ਆਦਿ ਪ੍ਰਮੁੱਖ ਮੰਗਾਂ ਹਨ।।

2016ਤੋ ਬਾਅਦ ਭਰਤੀ ਕੀਤੇ ਮੁਲਾਜ਼ਮਾਂ ਨੂੰ ਕੇਂਦਰ ਦੇ ਪੇ ਕਮਿਸ਼ਨ ਨਾਲ ਜੋੜ ਕੇ ਮੁਲਾਜ਼ਮਾਂ ਨੂੰ ਆਰਥਿਕ ਨੁਕਸਾਨ ਪਹੁੰਚਾਇਆ ਜਾ ਰਿਹਾ ਹੈ। ਉਨ੍ਹਾਂ ਪੰਜਾਬ ਸਰਕਾਰ ਨੂੰ ਚਿਤਾਵਨੀ ਭਰੇ ਲਹਿਜੇ ਵਿਚ ਕਿਹਾ ਕਿ  ਜੇਕਰ  ਸਰਕਾਰ ਨੇ ਮੁਲਾਜ਼ਮਾਂ ਦੀਆਂ ਮੰਗਾਂ ਨੂੰ ਨਜ਼ਰਅੰਦਾਜ਼ ਕੀਤਾ ਤਾਂ ਅੰਗਾਮੀ ਵਿਧਾਨ ਸਭਾ ਚੋਣਾਂ ਵਿੱਚ ਸਰਕਾਰ ਨੂੰ ਭਾਰੀ ਨੁਕਸਾਨ ਦਾ ਸਾਹਮਣਾ ਕਰਨਾ ਪਵੇਗਾ।।

ਇਸ ਮੌਕੇ ਅਮਨਦੀਪ  ਸਿੰਘ ਧਾਰੜ, ਹਰਜੀਤ ਸਿੰਘ ਪਹੂਵਿੰਡ, ਅੰਗਰੇਜ਼ ਸਿੰਘ ਔਲਖ, ਜੁਗਿੰਦਰ ਸਿੰਘ ਕੰਗ, ਭੁਪਿੰਦਰ ਸਿੰਘ ,ਸ਼ੇਰ ਸਿਘ,ਮਨਰਾਜ ਸਿੰਘ,ਫੁੱਲਬੀਰ ਜੌੜਾ ,  ਜੁਗਰਾਜ ਸਿੰਘ ਖੇਮਕਰਨ, ਜਸਪਿੰਦਰ ਸਰਹਾਲੀ,ਅਮਰਜੀਤ ਭੁੱਲਰ,ਗੁਰਵਿੰਦਰ ਭੋਜੀਆਂ, ਧਰਮਿੰਦਰ ਬਾਠ, ਸਤਨਾਮ ਮਾਣੋਚਾਹਲ, ਅਮਨਦੀਪ ਸਿੰਘ,ਰਵੀ ਸ਼ੇਰ ਸਿੰਘ, ਸਰਬਜੀਤ ਸਿੰਘ,ਪਤਵੰਤ ਸਿੰਘ, ਬਲਵਿੰਦਰ ਸਿੰਘ,  ਰਮਨ ਕੁਮਾਰ ਕਸੇਲ,ਗੁਰਬਿੰਦਰ ਸਿੰਘ, ਤੇਜਿੰਦਰ ਸਿੰਘ ਆਦਿ  ਤੋਂ ਇਲਾਵਾ ਵੱਖ-ਵੱਖ ਕੈਟਾਗਰੀਆਂ  ਦੇ ਮੁਲਾਜ਼ਮਾਂ ਵੱਡੀ ਗਿਣਤੀ ਭਾਗ ਲਿਆ।।

ਪੈਰਾ ਮੈਡੀਕਲ ਤੇ ਸਿਹਤ ਕਰਮਚਾਰੀ ਯੂਨੀਅਨ ਦੇ ਸੈਂਕੜੇ ਮੁਲਾਜ਼ਮ 11ਸਤੰਬਰ ਦੀ ਚੰਡੀਗੜ੍ਹ ਰੈਲੀ ਵਿੱਚ ਸ਼ਾਮਲ ਹੋਣਗੇ--ਪੰਨੂ, ਬਾਗੜੀਆਂ

 ਪੈਰਾ ਮੈਡੀਕਲ ਤੇ ਸਿਹਤ ਕਰਮਚਾਰੀ ਯੂਨੀਅਨ ਦੇ ਸੈਂਕੜੇ ਮੁਲਾਜ਼ਮ 11ਸਤੰਬਰ ਦੀ ਚੰਡੀਗੜ੍ਹ ਰੈਲੀ ਵਿੱਚ ਸ਼ਾਮਲ ਹੋਣਗੇ--ਪੰਨੂ, ਬਾਗੜੀਆਂ

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ)ਪੰਜਾਬ ਐਂਡ ਯੂ ਟੀ ਮੁਲਾਜ਼ਮ ਤੇ ਪੈਨਸ਼ਨਰ ਸਾਂਝੇ ਫਰੰਟ ਦੇ ਸੱਦੇ ਤੇ 11ਸਤੰਬਰ ਨੂੰ ਪੇ ਕਮਿਸ਼ਨ ਦੀ ਅਧੂਰੀ ਰਿਪੋਰਟ ਮੁਲਾਜ਼ਮ ਮਾਰੂ ਰਿਪੋਰਟ ਵਿਰੁੱਧ ਚੰਡੀਗੜ੍ਹ ਵਿਖੇ ਹੱਲਾ ਬੋਲ ਮਹਾਂ ਰੈਲੀ ਵਿੱਚ ਪੈਰਾ ਮੈਡੀਕਲ ਤੇ ਸਿਹਤ ਕਰਮਚਾਰੀ ਯੂਨੀਅਨ ਜ਼ਿਲ੍ਹਾ ਤਰਨਤਾਰਨ ਦੇ ਸੈਂਕੜੇ ਮੁਲਾਜ਼ਮ ਸ਼ਾਮਲ ਹੋਣਗੇ, ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਜਿਲਾ ਪ੍ਰਧਾਨ ਵਿਰਸਾ ਸਿੰਘ ਪੰਨੂ ਤੇ ਜਨਰਲ ਸਕੱਤਰ ਰਜਵੰਤ ਬਾਗੜੀਆਂ ਨੇ ਸਿਵਲ ਸਰਜਨ ਦਫ਼ਤਰ ਤਰਨਤਾਰਨ ਵਿਖੇ ਮੁਲਾਜ਼ਮਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਕੀਤਾ।।

ਇਸ ਮੌਕੇ ਵਿਰਸਾ ਸਿੰਘ ਪੰਨੂ ਤੇ ਰਜਵੰਤ ਬਾਗੜੀਆਂ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਮੁਲਾਜ਼ਮਾਂ ਦੀਆਂ ਮੰਗਾਂ ਪ੍ਰਤੀ ਸੰਜੀਦਾ ਨਹੀਂ।। ਸਾਂਝੇ ਫਰੰਟ ਵੱਲੋਂ 113%ਮਹਿੰਗਾਈ ਭੱਤੇ ਨੂੰ ਅਧਾਰ ਮੰਨ ਕੇ ਕੀਤੇ ਜਾ ਰਹੇ 15%ਤਨਖਾਹ ਵਾਧੇ ਨੂੰ ਮੂਲੋਂ ਰੱਦ ਕੀਤਾ ਹੈ, ਕਿਉਂਕਿ ਇਹ ਮੁਲਾਜ਼ਮਾਂ ਨਾਲ ਧੱਕਾ ਤੇ ਬੇਇਨਸਾਫ਼ੀ ਹੈ।। ਸਾਂਝੇ ਫਰੰਟ ਦੀ ਮੰਗ ਅਨੁਸਾਰ 1ਜਨਵਰੀ2016ਤੋ125%ਡੀ ਏ ਨੂੰ ਅਧਾਰ ਮੰਨ ਕੇ ਘੱਟੋ-ਘੱਟ 20%ਤਨਖਾਹ ਵਧਾਉਣਾ,, ਪੁਰਾਣੀ ਪੈਨਸ਼ਨ ਸਕੀਮ ਲਾਗੂ ਕਰਨਾ, ਕੱਚੇ ਮੁਲਾਜ਼ਮਾਂ ਨੂੰ ਪੱਕਾ ਕਰਨਾ ਆਦਿ ਪ੍ਰਮੁੱਖ ਮੰਗਾਂ ਹਨ।।

2016ਤੋ ਬਾਅਦ ਭਰਤੀ ਕੀਤੇ ਮੁਲਾਜ਼ਮਾਂ ਨੂੰ ਕੇਂਦਰ ਦੇ ਪੇ ਕਮਿਸ਼ਨ ਨਾਲ ਜੋੜ ਕੇ ਮੁਲਾਜ਼ਮਾਂ ਨੂੰ ਆਰਥਿਕ ਨੁਕਸਾਨ ਪਹੁੰਚਾਇਆ ਜਾ ਰਿਹਾ ਹੈ।

ਇਸ ਮੌਕੇ ਹੈਲਥ ਵਰਕਰ ਯੂਨੀਅਨ ਦੇ ਪ੍ਰਧਾਨ ਅਮਨਦੀਪ ਧਾਰੜ, ਏਐਨਐਮ ਐਲ ਐਚ ਵੀ ਯੂਨੀਅਨ ਦੇ ਪ੍ਰਧਾਨ ਲਖਵਿੰਦਰ ਕੌਰ ਜੌਹਲ,ਐਸ਼ ਆਈ ਯੂਨੀਅਨ ਦੇ ਪ੍ਰਧਾਨ ਅੰਗਰੇਜ਼ ਸਿੰਘ ਔਲਖ,ਐਮ ਐਲ ਟੀ ਯੂਨੀਅਨ ਦੇ ਪ੍ਰਧਾਨ ਅਵਤਾਰ ਸਿੰਘ, ਫਾਰਮੇਸੀ ਅਫ਼ਸਰ ਯੂਨੀਅਨ ਦੇ ਪ੍ਰਧਾਨ ਭੁਪਿੰਦਰ ਸਿੰਘ ਮਰਹਾਣਾ, ਨਰਸਿੰਗ ਸਟਾਫ ਯੂਨੀਅਨ ਵਲੋਂ ਕੁਲਵੰਤ ਕੌਰ, ਕਲੈਰੀਕਲ ਯੂਨੀਅਨ ਦੇ ਪ੍ਰਧਾਨ ਅਵਤਾਰ ਸਿੰਘ,ਰੇਡੀਓ ਗਰਾਫਰ ਯੂਨੀਅਨ ਦੇ ਪ੍ਰਧਾਨ ਗੁਰਭੇਜ ਸਿੰਘ, ਅਪਥਾਲਮਿਕ ਅਫਸਰ ਯੂਨੀਅਨ ਵਲੋ ਜਸਵਿੰਦਰ ਸਿੰਘ, ਜੁਗਿੰਦਰ ਸਿੰਘ ਕੰਗ, ਭੁਪਿੰਦਰ ਸਿੰਘ, ਹਰਜੀਤ ਸਿੰਘ ਪਹੂਵਿੰਡ ,ਸ਼ੇਰ ਸਿੰਘ, ਜਸਪਿੰਦਰ ਸਿੰਘ ,ਮਨਰਾਜ ਸਿੰਘ,ਫੁੱਲਬੀਰ ਜੌੜਾ , ਲਖਵਿੰਦਰ ਸਿੰਘ ਸੁਰਸਿੰਘ, ਜੁਗਰਾਜ ਸਿੰਘ ਖੇਮਕਰਨ, ਜਸਪਿੰਦਰ ਸਰਹਾਲੀ,ਜਸਪਾਲ ਸਿੰਘ ਕਸੇਲ,ਰਾਮ ਰਛਪਾਲ ਧਵਨ, ਪਰਮਜੀਤ ਸੋਖੀ, ਅਮਰਜੀਤ ਭੁੱਲਰ, ਅਮਨਦੀਪ ਫਤਿਆਬਾਦ, ਰਵਿੰਦਰ ਰਵੀ, ਗੁਰਵਿੰਦਰ ਭੋਜੀਆਂ,ਰਮਨ ਕੁਮਾਰ ਕਸੇਲ,ਬਿਹਾਰੀ ਲਾਲ ਸਰਹਾਲੀ, ਗੋਪਾਲ ਸਿੰਘ ਸੁਰਸਿੰਘ, ਮਨਜਿੰਦਰ ਸਿੰਘ ਆਦਿ ਨੇ ਸਮੂਹ ਮੁਲਾਜ਼ਮਾਂ ਨੂੰ ਵੱਡੀ ਗਿਣਤੀ ਵਿਚ ਇਸ ਹੱਲਾ ਬੋਲ ਰੈਲੀ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ।।

ਮਾਵਾਂ ਲਈ ਪੁੱਤ,ਪੁੱਤਾਂ ਲਈ ਮਾਵਾਂ

 ਮਾਵਾਂ ਲਈ ਪੁੱਤ,ਪੁੱਤਾਂ ਲਈ ਮਾਵਾਂ

ਮਹੀਨੇ ਵਿੱਚ 4 ਤੋਂ 5 ਵਾਰ ਮੇਰੇ ਗੂਗਲ ਪੇ ਤੇ 1000 ਕੋ ਰੁਪਏ ਆਉਂਦੇ ਤਾਂ ਨਾਲ ਹੀ ਬਾਹਰਲੇ ਗਿੰਦੇ ਦਾ ਫੋਨ ਵੀ ਆ ਜਾਣਾ ਕਿ ਵੀਰ ਜੀ ਇਹ ਪੈਸੇ ਮੇਰੀ ਮਾਤਾ ਨੂੰ ਦੇ ਦੇਣਾ ਜਦੋਂ ਵੀ ਆਏ ਤੁਹਾਡੇ ਕੋਲ ,ਮੈਂ ਅੱਗੋਂ ਕਹਿ ਦੇਣਾ ਠੀਕ ਵੀਰੇ, ਗਿੰਦਾ ਵੀ ਦਿਹਾੜੀ ਦਾਰ ਬੰਦਾ ਸੀ ਤੇ ਮਰਜੀ ਨਾਲ ਸ਼ਾਦੀ ਕਰਵਾਈ ਸੀ,ਘਰ ਵਿੱਚ ਮਾਂ ਨਾਲ ਕੋਈ ਬੋਲਚਾਲ ਨਹੀਂ ਸੀ, ਜਦੋਂ ਇਸ ਤਰਾਂ ਪੈਸੇ ਆਉਂਦਿਆਂ ਨੂੰ ਕਈ ਮਹੀਨੇ ਹੋ ਗਏ ਤਾਂ ਮਨ ਵਿੱਚ ਕਈ ਸਵਾਲ ਆਉਣੇ ਕਿ ਇਹ ਪੈਸੇ ਕਿਉਂ ਦੇਂਦਾ ਮਾਂ ਆਪਣੀ ਨੂੰ ,ਵੈਸੇ ਕੋਈ ਬੋਲਚਾਲ ਨਹੀਂ ਮਾਂ ਨਾਲ ਇਸਦਾ। ਆਖਰ ਇੱਕ ਦਿਨ ਜਦੋਂ ਉਸਦੀ ਮਾਤਾ ਪੈਸੇ ਲੈਣ ਆਈ ਤਾਂ ਮੈਂ ਬੜਾ ਹੌਸਲਾ ਜਿਹਾ ਕਰਕੇ ਆਪਣੇ ਮਨ ਦੇ ਸਵਾਲ ਨੂੰ ਮਾਤਾ ਅੱਗੇ ਰੱਖ ਹੀ ਦਿੱਤਾ ਕਿ ਮਾਤਾ ਜੀ ਗਿੰਦਾ ਤੇਰਾ ਤੇਰੇ ਨਾਲ ਬੋਲਦਾ ਨਹੀਂ ਪੂਰੇ ਪਿੰਡ ਨੂੰ ਵੀ ਪਤਾ ਪਰ ਇਹ ਪੈਸੇ ਫਿਰ ਕਿਉਂ ਤੈਨੂੰ ਦੇਂਦਾ, ਪਹਿਲਾਂ ਮਾਤਾ ਚੁੱਪ ਰਹੀ ਫਿਰ ਰੋਣ ਲੱਗ ਪਈ,ਥੋੜ੍ਹਾ ਦਿਲ ਜਿਹਾ ਕਰਕੇ ਦੱਸਣ ਲੱਗੀ ਕਿ ਪੁੱਤ ਜਿਹੜੀ ਮੇਰੀ ਨੂੰਹ ਆਈ ਇਹ ਉਸਦੇ ਹੀ ਪਾਵਾੜੇ ਆ, ਮੈ ਕਿਹਾ ਨਹੀਂ ਮਾਤਾ ਜੀ ਉਹ ਤੇ ਕਦੇ ਸੁਣੀ ਨਹੀਂ ਉੱਚੀ ਬੋਲਦੀ ਵੀ, ਤਾਂ ਦੁੱਖੀ ਮਾਂ ਨੇ ਆਪਣੀਆਂ ਬਾਹਾਂ ਤੋਂ ਥੋੜ੍ਹਾ ਜਿਹਾ ਕਮੀਜ਼ ਚੁਕਿਆ ਤੇ ਬੋਲੀ ਆ ਭਲਾ ਮਾਨਸਾ ਦੇ ਕੰਮ ਆ, ਬਾਹਾਂ ਉਪਰ ਸੋਟੀਆਂ ਦੇ ਨਿਸ਼ਾਨ ਸਾਫ ਦਿਸ ਰਹੇ ਸੀ, ਮੈ ਕਿਹਾ ਮਾਂ ਤੂੰ ਗਿੰਦੇ ਨੂੰ ਦੱਸ , ਅੱਖਾਂ ਨੂੰ ਆਪਣੀ ਚੁੰਨੀ ਦੇ ਪੱਲੂ ਨਾਲ ਪੂੰਝਦੀ ਨੇ ਕਿਹਾ ਪੁੱਤ ਮੈਂ ਆਪਣੇ ਪੁੱਤ ਨੂੰ ਖੁਸ਼ ਦੇਖਣਾ ਚਾਉਂਦੀ ਆ, ਮੈਨੂੰ ਪ੍ਰਵਾ ਨਹੀਂ ਮੇਰੀ ਭਾਵੇਂ ਜਾਨ ਨਿਕਲ ਜਾਵੇ, ਨਾਲ਼ੇ ਪੁੱਤ ਨੂੰ ਵੀ ਨੂੰਹ ਨੇ ਧਮਕੀ ਦਿੱਤੀ ਕਿ ਤੇਰੀ ਮਾਂ ਮੇਰੇ ਮੱਥੇ ਨਹੀਂ ਲਗਨੀ ਚਾਹੀਦੀ ਜੇ ਲੱਗੀ ਤਾਂ ਮੈਂ ਦਵਾਈ ਪੀ ਕਿ ਆਤਮ ਹੱਤਿਆ ਕਰ ਲਾਉਂਗੀ ਤੇ ਜਿੰਮੇਵਾਰ ਤੂੰ ਹੋਏਗਾ।ਬੇਸ਼ੱਕ ਮਾਤਾ ਦੀਆਂ ਗੱਲਾਂ ਤੇ ਵਿਸ਼ਵਾਸ ਕਰਨਾ  ਔਖਾ ਲੱਗਦਾ ਸੀ ਪਰ ਹਾਲਾਤ ਇਸਨੂੰ ਸਾਬਤ ਕਰਨ ਲਈ ਪੂਰੀ ਗਵਾਹੀ ਭਰਦੇ ਸੀ,ਇਕੇ ਸਾਹੇ ਮਾਤਾ ਕਈ ਦੁੱਖ ਦੱਸ ਗਈ ,ਕਹਿੰਦੀ ਪੁੱਤ ਮੇਰਾ ਫਿਰ ਵੀ ਚੰਗਾ ਜੋ ਮੈਨੂੰ ਨੂੰਹ ਤੋਂ ਚੋਰੀ ਛੁੱਪੇ ਖਰਚਾ ਪਾ ਦੇਂਦਾ, ਮੈਂ ਕਿਹਾ ਮਾਤਾ ਇਹਨਾਂ ਖਰਚਾ ਹੈ ਤੁਹਾਡਾ ਤਾਂ ਥੋੜ੍ਹਾ ਮੁਸਕਰਾ ਕਿ ਕਹਿਣ ਲੱਗੀ ਨਹੀਂ ਪੁੱਤ ਇਹ ਪੈਸੇ ਮੈਂ ਆਪਣੇ ਪੋਤਰੇਆਂ ਦੇ ਨਾਮ ਤੇ ਜਮਾਂ ਕਰਵਾ ਦੇਂਦੀ ਹਾਂ, ਮੇਰੇ ਪੁੱਤ ਦੀ ਜਾਨ ਸੌਖੀ ਰਹੂ ਕੱਲ ਨੂੰ , ਮੈਂ ਤਾਂ ਭੁੱਖੀ ਵੀ ਗੁਜਾਰਾ  ਕਰ ਲੈਨੀ ਆ।।। ਫਿਰ ਦਿਲ ਦੇ ਸਾਰੇ ਜਵਾਬ ਤੇ ਸਵਾਲ ਖਤਮ ਹੋ ਜਦੋਂ ਮਾਂ ਅਤੇ ਪੁੱਤ ਦਾ ਪਿਆਰ ਇੱਕ ਦੂਜੇ ਤੋਂ ਵੱਧ ਨਜਰ ਆਇਆ।ਲੋਕਾਂ ਸਾਹਮਣੇ ਬੇਸ਼ੱਕ ਨਹੀਂ ਬੋਲਦੇ ਸੀ ਇੱਕ ਦੂਜੇ ਨਾਲ ਪਰ ਦਿਲ ਦੀਆਂ ਤਾਰਾਂ ਹਮੇਸ਼ਾਂ ਇੱਕੋ ਜਗ੍ਹਾ ਤੋਂ ਕਰੰਟ ਲੈਂਦੀਆਂ ਸਨ ਦੋਨਾਂ ਦੀਆਂ ਹੀ ।

ਲੇਖਕ:- ਜਗਜੀਤ ਸਿੰਘ ਡੱਲ, ਪ੍ਰੈਸ ਮੀਡੀਆ, 9855985137,8646017000

20 ਸਤੰਬਰ ਨੂੰ ਤਰਨ ਤਾਰਨ ਚ ਕੀਤੀ ਜਾਣ ਵਾਲੀ ਕਾਨਫਰੰਸ ਹੁਣ 22 ਸਤੰਬਰ ਨੂੰ ਹੋਏਗੀ :-ਪੰਡੋਰੀ

 20 ਸਤੰਬਰ ਨੂੰ ਤਰਨ ਤਾਰਨ ਚ ਕੀਤੀ ਜਾਣ ਵਾਲੀ ਕਾਨਫਰੰਸ ਦੀ ਜਾਣਕਾਰੀ ਦੇਂਦੇ ਹੋਏ ਆਗੂ।

  ਤਰਨ ਤਾਰਨ(ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ)   ਭਾਰਤੀ ਇਨਕਲਾਬੀ ਮਾਰਕਸਵਾਦੀ ਪਾਰਟੀ  ( ਆਰ. ਐਮ .ਪੀ. ਆਈ  )  ਵੱਲੋਂ ਸ਼ਹੀਦ ਭਗਤ ਸਿੰਘ ਦੇ ਜਨਮ ਦਿਨ ਨੂੰ ਸਮਰਪਿਤ ਤਰਨ  ਤਾਰਨ ਵਿਖੇ ਹੋਣ ਵਾਲੀ  20 ਸਤੰਬਰ  ਦੀ  ਕਾਨਫਰੰਸ  ਸ੍ਰੀ ਗੋਇੰਦਵਾਲ ਸਾਹਿਬ ਦੇ ਮੇਲੇ ਕਾਰਨ 22 ਸਤੰਬਰ ਨੂੰ ਕੀਤੀ ਜਾਵੇਗੀ । ਇਹ ਜਾਣਕਾਰੀ ਪਾਰਟੀ ਦੇ ਜਿਲ੍ਹਾ   ਸਕੱਤਰੇਤ ਮੈਂਬਰ ਬਲਦੇਵ ਸਿੰਘ ਪੰਡੋਰੀ, ਜਸਪਾਲ  ਸਿੰਘ ਝਬਾਲ, ਸੁਲੱਖਣ ਸਿੰਘ ਤੁੜ ਨੇ ਇੱਕ ਪ੍ਰੈਸ ਬਿਆਨ ਰਾਹੀ ਦਿੱਤੀ। ਇਹਨਾਂ  ਆਗੂਆਂ ਨੇ ਸਯੁੰਕਤ ਕਿਸਾਨ ਮੋਰਚੇ ਵੱਲੋਂ  27 ਸਤੰਬਰ ਨੂੰ ਭਾਰਤ ਬੰਦ ਦੇ ਸੱਦੇ ਚ ਭਰਵੀਂ ਸਮੂਲੀਅਤ ਕਰਨ ਦਾ ਸੱਦਾ ਦਿੱਤਾ। ਇਸ ਮੌਕੇ ਗੁਰਪ੍ਰਤਾਪ ਸਿੰਘ ਬਾਠ,  ਬਲਜੀਤ ਸਿੰਘ ਕੱਲ੍ਹਾ ਹਾਜ਼ਰ ਸਨ।

ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਬਲਾਕ ਭਿੱਖੀਵਿੰਡ ਦੇ ਮੈਂਬਰਾਂ ਦੀ ਮੀਟਿੰਗ ਪਹੂਵਿੰਡ ਸਾਹਿਬ ਵਿਖੇ ਹੋਈ।

 

ਖਾਲੜਾ 7 ਸਤੰਬਰ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਰਜਿ  295 ਬਲਾਕ ਭਿੱਖੀਵਿੰਡ ਦੇ ਮੈਂਬਰਾਂ ਦੀ ਮੀਟਿੰਗ ਡਾ ਹਰਪਾਲ ਸਿੰਘ ਪੂਹਲਾ ਦੀ ਪ੍ਰਧਾਨਗੀ ਹੇਠ ਪਹੂਵਿੰਡ ਸਾਹਿਬ ਵਿਖੇ ਹੋਈ ਇਸ ਮੀਟਿੰਗ ਵਿੱਚ ਐਸੋਸੀਏਸ਼ਨ ਦੇ ਮੈਂਬਰਾਂ ਨੇ ਹਾਜ਼ਰੀ ਭਰੀ ਅਤੇ ਆਪਣੇ ਆਪਣੇ ਵਿਚਾਰ ਪੇਸ਼ ਕੀਤੇ ਇਸ ਮੌਕੇ ਐਸੋਸੀਏਸ਼ਨ ਨੂੰ ਆ ਰਹੀਆਂ ਮੁਸ਼ਕਲਾਂ ਸੰਬੰਧੀ ਅਹਿਮ ਵਿਚਾਰਾਂ ਕੀਤੀਆਂ ਗਈਆਂ ਇਸ ਮੌਕੇ ਬੋਲਦਿਆਂ ਡਾ ਪੂਹਲਾ ਨੇ ਕਿਹਾ ਕਿ ਕਰੋਨਾ ਕਾਲ ਦੌਰਾਨ ਵੱਡੇ ਵੱਡੇ ਹਸਪਤਾਲਾਂ ਦੇ ਡਾਕਟਰਾਂ ਨੇ ਆਪਣੇ ਹਸਪਤਾਲ ਬੰਦ ਕਰ ਦਿੱਤੇ ਸਨ ਸਰਕਾਰ ਵੱਲੋਂ ਵੀ ਹੱਥ ਖੜ੍ਹੇ ਕਰ ਦਿੱਤੇ ਗਏ ਸਨ  ਪਰ ਸਾਡੀ ਐਸੋਸੀਏਸ਼ਨ ਦੇ ਜੁਝਾਰੂ ਮੈਂਬਰਾਂ ਨੇ ਕੋਵਿਡ 19 ਦੌਰਾਨ ਵੀ ਦਿਨ ਰਾਤ ਲੋਕਾਂ ਦੀ ਸੇਵਾ ਕੀਤੀ ਇਸ ਸੰਬੰਧੀ ਬਹੁਤ ਸਾਰੀਆਂ ਖਬਰਾਂ ਵੀ ਮੀਡੀਆ ਵਿੱਚ ਆਈਆਂ ਸਨ ਕਿ ਜੇਕਰ ਪਿੰਡਾਂ ਵਿੱਚ ਇਹ ਡਾਕਟਰ ਨਾ ਹੋਣ ਤਾਂ ਗਰੀਬ ਲੋਕ ਆਪਣਾਂ ਇਲਾਜ ਕਰਾਉਣ ਲਈ ਵੱਡੇ ਸ਼ਹਿਰਾਂ ਵਿੱਚ ਕਿਵੇਂ ਜਾਣ ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ 2017 ਵਿੱਚ ਸਾਡੇ ਨਾਲ ਵਾਅਦਾ ਕੀਤਾ ਸੀ ਕਿ ਕਾਂਗਰਸ ਸਰਕਾਰ ਆਉਣ ਤੇ ਪਿੰਡਾਂ ਵਿੱਚ ਪ੍ਰੈਕਟਿਸ ਕਰ ਰਹੇ ਪ੍ਰੈਕਟੀਸ਼ਨਰਾਂ ਨੂੰ ਕਲੀਨਿਕ ਚਲਾਉਣ ਦਾ ਅਧਿਕਾਰ ਦਿੱਤਾ ਜਾਵੇਗਾ ਪਰ ਕੈਪਟਨ ਸਰਕਾਰ ਆਪਣੇ ਵਾਅਦੇ ਤੋਂ ਭੱਜ ਰਹੀ ਹੈ ਅਸੀਂ ਇਸ ਸਬੰਧੀ ਪੂਰੇ ਪੰਜਾਬ ਵਿੱਚ ਹਲਕਾ ਵਿਧਾਇਕਾਂ ਨੂੰ ਅਤੇ ਮੈਂਬਰ ਪਾਰਲੀਮੈਂਟ ਨੂੰ ਆਪਣੇ ਮੰਗ ਪੱਤਰ ਭੇਜ ਚੁੱਕੇ ਹਾਂ ਜੇਕਰ ਸਰਕਾਰ ਨੇ ਸਾਡਾ ਕੋਈ ਹੱਲ ਨਾ ਕੱਢਿਆ ਤਾਂ ਆਉਣ ਵਾਲੇ ਦਿਨਾਂ ਵਿੱਚ ਸੂਬਾ ਪ੍ਰਧਾਨ ਡਾ ਰਮੇਸ਼ ਕੁਮਾਰ ਬਾਲੀ ਜੀ ਦੀ ਅਗਵਾਈ ਵਿਚ ਵਿਧਾਨ ਸਭਾ ਦਾ ਘਰਾਉ ਕੀਤਾ ਜਾਵੇਗਾ ।

ਸਰਕਾਰ ਵੱਲੋਂ ਕੀਤੇ ਐਲਾਨ ਲਾਗੂ ਕਰਵਾਉਣ ਲਈ 10 ਸਤੰਬਰ ਨੂੰ ਚੰਡੀਗੜ੍ਹ ਭੁੱਖ ਹੜਤਾਲ ਤੇ ਬੈਠਣਗੇ ਫਰੀਡਮ ਫਾਈਟਰ ਪਰਿਵਾਰ :-ਰਾਮ ਸਿੰਘ ਮਿੱਡਾ ।

 --

     ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ)  ਜੋਨ ਇੰਚਾਰਜ ਰਾਮ ਸਿੰਘ ਮਿੱਡਾ ਅਤੇ  ਜਿਲ੍ਹਾ ਪ੍ਰਧਾਨ ਤਰਨਤਾਰਨ ਸਕੱਤਰ ਸਿੰਘ ਪਹੂਵਿੰਡ ਨੇ ਫਰੀਡਮ ਫਾਈਟਰ ਉਤਰਾਧਿਕਾਰੀ ਸੰਸਥਾ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪਿੱਛਲੇ 15 ਅਗਸਤ ਤੋਂ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ 300 ਯੂਨਿਟ ਬਿਜਲੀ ਮੁਆਫ਼ੀ ਫਰੀਡਮ ਫਾਈਟਰ ਪਰਿਵਾਰਾਂ ਨੂੰ ਦੇਣ ਦਾ ਐਲਾਨ ਕੀਤਾ ਹੈ ਪਰ ਸਾਲ ਬੀਤ ਜਾਣ ਦੇ ਬਾਵਜੂਦ ਬਿਜਲੀ ਮੁਆਫ਼ੀ ਲਾਗੂ ਨਹੀਂ ਹੋਈ ਤੇ 1 ਕਿਲੋਵਾਟ ਦੀ ਸ਼ਰਤ ਵੀ ਨਹੀਂ ਹਟਾਈ ਗਈ। ਫਰੀਡਮ ਫਾਈਟਰ ਪਰਿਵਾਰਾਂ ਨੂੰ ਮਕਾਨ ਦੇਣ ਦਾ ਐਲਾਨ ਵੀ ਲਾਗੂ ਨਹੀਂ ਕੀਤਾ ਗਿਆ। ਕਈ ਟਰੱਸਟ ਬਣਾਏ ਪਰ ਫਰੀਡਮ ਫਾਈਟਰ ਟਰੱਸਟ ਵੀ ਨਹੀਂ ਬਣਾਇਆ ਗਿਆ। ਜਿਲ੍ਹਾ ਪੱਧਰ ਤੇ ਆਜਾਦੀ ਘੁਲਾਟੀਏ ਯਾਦਗਾਰ ਹਾਲ ਬਣਾਉਣ ਲਈ ਜਗ੍ਹਾ ਦੇਣ ਦਾ ਮਸਲਾ ਵੀ ਹੱਲ ਨਹੀਂ ਕੀਤਾ ਗਿਆ। ਪਿਛਲੇ 75 ਸਾਲ ਤੋਂ ਸਰਕਾਰਾਂ ਨੇ ਲਾਰੇ ਹੀ ਲਾਏ ਪਰ ਫਰੀਡਮ ਫਾਈਟਰ ਪਰਿਵਾਰਾਂ ਦੇ ਮਸਲੇ ਹੱਲ ਨਹੀਂ ਕੀਤੇ, ਪਰ ਹੁਣ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਅਸੀਂ ਸੰਘਰਸ਼ ਦੇ ਰਾਹ ਨਹੀਂ ਪੈਣਾ ਚਾਹੁੰਦੇ ਪਰ ਚੁੱਪ ਰਹਿਣਾ ਵੀ ਬੁਜਦਿਲੀ ਹੋਵੇਗੀ। ਇਸ ਲਈ ਸਰਕਾਰ ਨੂੰ ਤਾੜਨਾ ਕਰਦੇ ਹਾਂ ਕਿ ਸਾਡਾ ਸਬਰ ਨਾ ਪਰਖੇ ਅਤੇ 10 ਸਤੰਬਰ ਤੋਂ ਪਹਿਲਾਂ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜਥੇਬੰਦੀ ਨਾਲ ਮੀਟਿੰਗ ਕਰਕੇ ਮਸਲੇ ਦਾ ਹੱਲ ਕੱਢਣ ਨਹੀਂ ਤਾਂ ਫਰੀਡਮ ਫਾਈਟਰ ਪਰਿਵਾਰ 10 ਸਤੰਬਰ ਨੂੰ ਚੰਡੀਗੜ੍ਹ ਵਿੱਖੇ ਅਣਮਿੱਥੇ ਸਮੇਂ ਲਈ ਭੁੱਖ ਹੜਤਾਲ ਤੇ ਬੈਠਣ ਲਈ ਮਜਬੂਰ ਹੋਣਗੇ। ਇਸ ਮੀਟਿੰਗ ਵਿੱਚ ਜੋਨ ਇੰਚਾਰਜ ਅੰਮ੍ਰਿਤਸਰ ਰਾਮ ਸਿੰਘ ਮਿੱਡਾ ਅਤੇ ਜਿਲਾ ਤਰਨਤਾਰਨ ਪ੍ਰਧਾਨ ਸਕੱਤਰ ਸਿੰਘ ਪਹੂਵਿੰਡ ਤੋਂ ਇਲਾਵਾ ਸੰਸਥਾ ਦੇ ਅਹੁਦੇਦਾਰ ਅਤੇ ਮੈਂਬਰ ਹਾਜ਼ਰ ਸਨ।

ਧੰਨ ਧੰਨ ਬਾਬਾ ਜੀਵਨ ਸਿੰਘ ਜੀ ਸ਼ਹੀਦ ਦੇ ਜਨਮ ਦਿਹਾੜੇ ਤੇ ਪਿੰਡ ਡੱਲ ਦੀਆਂ ਸੰਗਤਾਂ ਵੱਲੋਂ ਗੁਰਪੁਰਬ ਮਨਾਇਆ।

 ਧੰਨ ਧੰਨ ਬਾਬਾ ਜੀਵਨ ਸਿੰਘ ਜੀ ਸ਼ਹੀਦ  ਦੇ ਜਨਮ ਦਿਹਾੜੇ ਤੇ ਪਿੰਡ ਡੱਲ ਦੀਆਂ ਸੰਗਤਾਂ ਵੱਲੋਂ ਗੁਰਪੁਰਬ ਮਨਾਏ ਜਾਣ ਦੀਆਂ ਤਸਵੀਰਾਂ।

ਖਾਲੜਾ  (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਕਸਬਾ ਖਾਲੜਾ ਤੋਂ ਥੋੜੀ ਦੂਰ ਪੈਂਦੇ ਸਰਹੱਦੀ ਪਿੰਡ ਡੱਲ ਵਿਖੇ ਬਾਬਾ ਜੀਵਨ ਸਿੰਘ ਜੀ ਰੰਘਰੇਟਾ ਗੁਰੂ ਕਾ ਬੇਟਾ ਕਹਾਉਣ ਵਾਲੇ ਮਹਾਂਪੁਰਖਾਂ ਜੀ ਦੇ ਜਨਮ ਦਿਹਾੜੇ ਦੇ ਸੰਬੰਧ ਵਿੱਚ ਇਕ ਵਿਸ਼ਾਲ ਨਗਰ ਕੀਰਤਨ ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਜੀ ਪਿੰਡ ਡੱਲ ਤੋਂ  ਸਜਾਇਆ ਗਿਆ ਇਹ ਨਗਰ ਕੀਰਤਨ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਛਤਰਸ਼ਾਇਆ ਹੇਠ ਅਤੇ ਪੰਜ ਪਿਆਰਿਆਂ ਦੀ ਅਗਵਾਈ ਵਿੱਚ  ਗੁਰਦੁਆਰਾ ਸਾਹਿਬ ਤੋਂ ਅਰੰਭ ਹੋ ਕੇ ਪਿੰਡ ਡੱਲ ਦੀਆਂ ਪਰਿਕਰਮਾ ਕਰਦਾ ਹੋਇਆ ਸ਼ਾਮ ਨੂੰ ਗੁਰਦੁਆਰਾ ਸਾਹਿਬ ਵਿਖੇ ਪਹੁੰਚ ਕੇ ਸਮਾਪਤ ਹੋਇਆ ਨਗਰ ਕੀਰਤਨ ਵਿੱਚ ਕਵੀਸ਼ਰ ਭਾਈ ਗੁਰਸਾਹਿਬ ਸਿੰਘ ਮਾੜੀ ਮੇਘਾ ਦੇ ਜਥੇ ਨੇ ਬਾਬਾ ਜੀਵਨ ਸਿੰਘ ਜੀ ਦੇ ਇਤਿਹਾਸ ਤੋਂ ਸੰਗਤਾਂ ਨੂੰ ਜਾਣੂ ਕਰਵਾਇਆ ਉਹਨਾਂ ਤੋਂ ਇਲਾਵਾ ਪਿੰਡ ਡੱਲ ਦੇ ਜਥੇਦਾਰ ਸੁਖਦੇਵ ਸਿੰਘ ਦੇ ਜਥੇ ਨੇ ਗੁਰਇਤਿਹਾਸ  ਸੁਣਾ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ ਇਸ ਨਗਰ ਕੀਰਤਨ ਵਿੱਚ ਸੰਗਤਾਂ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ ਸੰਗਤਾਂ ਲਈ ਜਗ੍ਹਾ ਜਗ੍ਹਾ ਵੱਖ ਵੱਖ ਲੰਗਰਾ ਅਤੇ ਠੰਡੇ ਮਿੱਠੇ ਜਲ ਦੀਆਂ ਛਬੀਲਾਂ ਦਾ ਪਰਬੰਧ ਕੀਤਾ ਗਿਆ। ਅੱਜ ਗੁਰੂ ਕਿ ਲੰਗਰ ਅਤੁੱਟ ਵਰਤਾਏ ਗਏ।