ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਅੱਜ ਜਦੋਂ ਹੀ ਸੀ ਐਮ ਚਰਨਜੀਤ ਸਿੰਘ ਚੰਨੀ ਨੇ ਮੀਡੀਆ ਉੱਤੇ ਬਿਆਨ ਦਿੱਤੇ ਕਿ ਜਿਹਨਾਂ ਦੇ ਬਿਜਲੀ ਦੇ ਬਕਾਇਆ ਬਿੱਲ ਹਨ ਉਹ ਮੁਆਫ ਕੀਤੇ ਜਾਣਗੇ ਅਤੇ ਲੋਕਾਂ ਨੂੰ ਇਹ ਸਹੂਲਤ ਦੇਣ ਲਈ ਜਿੱਥੇ ਪੰਜਾਬ ਸਰਕਾਰ ਦੇ ਲੱਖਾਂ ਰੁਪਏ ਖ਼ਰਚ ਹੋਣਗੇ ਉੱਥੇ ਹੀ ਅੱਜ ਉਨ੍ਹਾਂ ਘਰਾਂ ਵਿੱਚ ਖ਼ੁਸ਼ੀ ਵਿੱਚ ਭੰਗੜੇ ਪਾਏ ਗਏ ਜਿਨ੍ਹਾਂ ਦੇ ਬਿਜਲੀ ਦੇ ਲੱਖਾਂ ਹਜ਼ਾਰਾਂ ਬਿੱਲ ਬਕਾਇਆ ਸਨ। ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਉੱਘੇ ਕਾਂਗਰਸੀ ਆਗੂ ਰਾਜ ਕੁਮਾਰ ਹਾਂਡਾ ਅਲਗੋਂ ਅਤੇ ਸਰਪੰਚ ਸੇਵਾ ਸਿੰਘ ਮੰਗੋਲ ਵੱਲੋਂ ਪ੍ਰੈੱਸ ਨਾਲ ਕੀਤਾ ਗਿਆ । ਉਨ੍ਹਾਂ ਸੀ ਐਮ ਦੇ ਇਸ ਫੈਸਲੇ ਨਾਲ ਖੁਸ਼ ਹੁੰਦੇ ਕਿਹਾ ਕਿ ਜੋ ਸਰਕਾਰਾਂ ਕਦੇ ਵੀ ਇਹੋ ਜਿਹੇ ਇਤਿਹਾਸਕ ਫ਼ੈਸਲੇ ਨਹੀਂ ਕਰ ਪਾਈਆਂ ਉਹ ਪੰਜਾਬ ਦੇ ਨਵੇਂ ਸੀ ਐਮ ਵੱਲੋਂ ਕਰਕੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਹਰ ਪਲ ਹਰ ਘੰਟੇ ਨੂੰ ਤੇ ਹਰ ਦਿਨ ਨੂੰ ਸੀ ਐਮ ਸਾਬ ਨਵੀਂਆਂ ਤੋਂ ਨਵੀਆਂ ਸਹੂਲਤਾਂ ਪੰਜਾਬ ਦੇ ਲੋਕਾਂ ਨੂੰ ਦੇਣਗੇ ਅਤੇ ਪੰਜਾਬ ਸੂਬਾ ਇੱਕ ਬਾਹਰਲੇ ਦੇਸ਼ ਵਰਗਾ ਸੂਬਾ ਬਣ ਜਾਏਗਾ ਜਿੱਥੇ ਕੋਈ ਸਹੂਲਤਾਂ ਦੀ ਘਾਟ ਨਹੀਂ ਹੋਏਗੀ। ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਜਦੋਂ ਦੇ ਸੀ ਐਮ ਚੰਨੀ ਬਣੇ ਹਨ ਅਤੇ ਲੋਕਾਂ ਦੀਆਂ ਸੁਤੀਆਂ ਹੋਈਆਂ ਉਮੀਦਾਂ ਜਾਗੀਆਂ ਹਨ ਅਤੇ ਆਉਣ ਵਾਲੇ ਸਮੇਂ ਵਿੱਚ ਕਾਂਗਰਸ ਦੀ ਸਰਕਾਰ ਫਿਰ ਬਣ ਕੇ ਲੋਕਾਂ ਦੀ ਸੇਵਾ ਕਰੇਗੀ ।
No comments:
Post a Comment