ਪੰਜਾਬ ਵਿੱਚ ਝੋਨੇ ਦੀ ਖ਼ਰੀਦ ਨੂੰ ਲੇਟ ਕਰਨ ਨੂੰ ਲੈ ਕੇ ਪੰਜਾਬ ਦੇ ਵੱਖ ਵੱਖ ਡੀ ਸੀ ਦਫ਼ਤਰਾਂ ਦੇ ਅੱਗੇ ਧਰਨੇ ਦੇ ਕਿ ਦਿੱਤੇ ਮੰਗ ਪੱਤਰ ।

 ਪੰਜਾਬ ਵਿੱਚ ਝੋਨੇ ਦੀ ਖ਼ਰੀਦ ਨੂੰ ਲੇਟ ਕਰਨ ਨੂੰ ਲੈ ਕੇ ਪੰਜਾਬ ਦੇ ਵੱਖ ਵੱਖ ਡੀ ਸੀ ਦਫ਼ਤਰਾਂ ਦੇ ਅੱਗੇ ਧਰਨੇ ਦੇ ਕਿ ਦਿੱਤੇ ਮੰਗ ਪੱਤਰ ।

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਦੇ ਸੂਬਾ ਪ੍ਰਧਾਨ ਹਰਮੀਤ ਸਿੰਘ ਕਾਦੀਆਂ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਝੋਨੇ ਦੀ ਖ਼ਰੀਦ ਲੇਟ ਕਰਨ ਸਬੰਧੀ ਪੂਰੇ ਪੰਜਾਬ ਵਿੱਚ  ਜ਼ਿਲ੍ਹਾ ਪੱਧਰ ਤੇ ਧਰਨੇ ਦਿੱਤੇ ਗਏ ਜ਼ਿਲ੍ਹਾ ਪ੍ਰਧਾਨ ਗੁਰਸਾਹਿਬ ਸਿੰਘ ਡੱਲ ਨੇ ਪ੍ਰੈੱਸ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਪਿਛਲੇ ਲੰਮੇ ਸਮੇਂ ਤੋਂ ਝੋਨੇ ਦੀ ਖਰੀਦ ਇੱਕ ਅਕਤੂਬਰ ਤੋਂ ਸ਼ੁਰੂ ਹੋ  ਜਾਂਦੀ ਸੀ ਪਰ ਇਸ ਵਾਰ ਜਮ੍ਹਾਂ ਮੌਕੇ ਤੇ ਆ ਕੇ ਸਰਕਾਰ ਨੇ ਇੱਕ ਦਮ ਖ਼ਰੀਦ ਲੇਟ ਕਰ ਦਿੱਤੀ ਹੈ  ਇਸ ਨਾਲ ਮੰਡੀਆਂ ਵਿੱਚ ਝੋਨੇ ਦੇ ਅੰਬਾਰ ਲੱਗ ਜਾਣਗੇ ਅਤੇ ਢੇਰੀਆਂ ਦੀ ਸਾਂਭ ਸੰਭਾਲ ਦੀ ਵੱਡੀ ਮੁਸ਼ਕਲ ਆਏਗੀ ਅੱਜ ਤਰਨਤਾਰਨ ਵਿੱਚ ਡੀ ਸੀ ਰਿਹਾਇਸ਼  ਤੇ ਧਰਨਾ ਲਗਾ ਕੇ ਮੰਗ ਪੱਤਰ ਦਿੱਤਾ ਗਿਆ ਅੱਜ ਦੇ ਧਰਨੇ ਦੀ ਅਗਵਾਈ ਕੁਲਦੀਪ ਸਿੰਘ ਸਖੀਰਾ, ਗੁਰਵਿੰਦਰ ਸਿੰਘ, ਸੁਖਚੈਨ ਸਿੰਘ ਸਮਰਾ ਜਗਤਾਰ ਸਿੰਘ ਡੱਲ ਜੋਗਾ ਸਿੰਘ ਭੰਗਾਲਾ  ,ਹਰਭਜਨ ਸਿੰਘ ਕਾਲੇ ਦੁਵਾਰਾ ਕੀਤੀ ਗਈ ਅਤੇ  ਮੰਗ ਕੀਤੀ ਗਈ ਕਿ ਜਲਦੀ ਤੋਂ ਜਲਦੀ  ਖਰੀਦ ਸ਼ੁਰੂ ਕੀਤੀ ਜਾਵੇ ਨਹੀਂ ਤਾਂ ਜਥੇਬੰਦੀ ਅਗਲੀ ਕਾਰਵਾਈ ਕਰਨ ਲਈ ਮਜਬੂਰ ਹੋਵੇਗੀ  ।

ਸਿਮਰਨ ਹਸਪਤਾਲ ਬਣਿਆ ਸੱਪ ਲੜੇ ਮਰੀਜਾਂ ਲਈ ਜੀਵਨਦਾਤਾ

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਸੱਪ ਲੜੇ ਮਰੀਜਾਂ ਲਈ ਜੀਵਨਦਾਤਾ ਸਾਬਿਤ ਹੋ ਰਿਹਾ ਸਿਮਰਨ ਹਸਪਤਾਲ।ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਹੋਰ ਸੱਪ ਲੜੇ ਵਿਅਕਤੀ ਦੀ ਸਿਮਰਨ ਹਸਪਤਾਲ ਭਿੱਖੀਵਿੰਡ ਦੇ ਸਟਾਫ ਨੇ ਬਚਾਈ ਜਾਨ ।ਹਸਪਤਾਲ ਦੀ ਜਾਣਕਾਰੀ ਅਨੁਸਾਰ ਸ੍ਰ ਚਰਨ ਸਿੰਘ ਪੁੱਤਰ ਭਾਨ ਸਿੰਘ ਜੋ ਕਿ ਗੁਰਦੁਆਰਾ ਢਾਬਸਰ ਦੇ ਜਥੇਦਾਰ ਬਾਬਾ ਚਤਰ ਸਿੰਘ ਜੀ ਦੇ ਸੇਵਾਦਾਰ ਹਨ , ਬਾਬਾ ਚਰਨ ਸਿੰਘ ਭਾਈ ਸੁਰ ਸਿੰਘ ਨੂੰ ਪਿੰਡ ਇੰਡੀਵਾਲਾ ਵਿਖੇ ਕਿਸੇ ਦੇ ਘਰੇ ਸੱਪ ਫੜਦੇ ਸਮੇਂ ਸੱਪ ਨੇ ਡੰਗ ਮਾਰ ਦਿੱਤਾ ਜਿਸ ਨੂੰ ਬਹੁਤ ਹੀ ਗੰਭੀਰ ਹਾਲਤ ਵਿਚ ਸਿਮਰਨ ਹਸਪਤਾਲ ਲਿਆ ਕਿ ਦਾਖਲ ਕਰਵਾਇਆ ਗਿਆ , ਜਿਸ ਨੂੰ ਬਨਾਉਟੀ ਸਾਹ ਵਾਲੀ ਮਸ਼ੀਨ ( ਵੈਂਟੀਲੇਟਰ ) ਦੀ ਸਹਾਇਤਾ ਨਾਲ ਚਾਰ ਦਿਨਾਂ ਦੀ ਸਖਤ ਮਿਹਨਤ ਨਾਲ ਡਾਕਟਰਾਂ ਅਤੇ ਸਟਾਫ ਵੱਲੋਂ  ਬਚਾਅ ਲਿਆ ਗਿਆ ਅੱਜ ਬਾਬਾ ਚਰਨ ਸਿੰਘ ਨੂੰ ਛੁੱਟੀ ਦੇਣ ਸਮੇਂ ਬਾਬਾ ਜਗਤਾਰ ਸਿੰਘ ਜੀ ਨੇ ਸਟਾਫ ਅਤੇ ਡਾਕਟਰਾਂ ਦਾ ਧੰਨਵਾਦ ਕੀਤਾ ਅਤੇ ਹਸਪਤਾਲ ਦੇ ਐਮ ਡੀ ਗੁਰਮੇਜ ਸਿੰਘ ਵੀਰਮ , ਡਾਕਟਰ ਇੰਦਰਮੋਹਨ ਸ਼ਰਮਾ ਅਤੇ ਅੰਗਰੇਜ ਸਿੰਘ ਗਿੱਲ ਨੂੰ ਸਿਰਪਾਓ ਪਾ ਕੇ ਸਨਮਾਨਿਤ ਕੀਤਾ , ਇਸ ਮੌਕੇ ਹਸਪਤਾਲ ਦੇ ਐਮ ਡੀ ਗੁਰਮੇਜ ਸਿੰਘ ਵੀਰਮ , ਡਾਕਟਰ ਇੰਦਰਮੋਹਨ ਸ਼ਰਮਾ ਅਤੇ ਅੰਗਰੇਜ ਸਿੰਘ ਗਿੱਲ , ਡਾਕਟਰ ਲਵਦੀਪ ਸਿੰਘ , ਗੁਰਜੰਟ ਸਿੰਘ ਅਤੇ ਜਤਿੰਦਰ ਸਿੰਘ ਸਰਪੰਚ ਅਤੇ ਗੁਰੂਦਵਾਰਾ ਸਾਹਿਬ ਦੇ  ਸੇਵਾਦਾਰ ਆਦਿ ਹਾਜਰ ਸਨ

ਬਾਪੂ

 ਬਾਪੂ ਕਦੇ ਗਤਲ ਨਹੀਂ ਹੁੰਦੇ

ਘਰ ਦਾ ਇੱਕਲਾ ਚਿਰਾਗ ਸੀ ਮੈਂ ਪਰ ਪਿਤਾ ਜੀ ਨੂੰ ਕਦੇ ਵੀ ਮੇਰੇ ਨਾਲ ਪਿਆਰ ਜਾਂ ਨਾਲ ਰਹਿਣ ਲਈ ਖੁਸ਼ ਨਹੀਂ ਦੇਖਿਆ ਸੀ ਮੈਂ ,ਹਮੇਸ਼ਾਂ ਆਪਣੇ ਤੋਂ ਦੂਰ ਕਰਨ ਵਾਲੀਆਂ ਗੱਲਾਂ ਕਰਕੇ ਮੇਰੇ ਦਿਲ ਵਿੱਚੋਂ ਪਿਤਾ ਦਾ ਪਿਆਰ ਹੀ ਖਤਮ ਕਰ ਦਿੱਤਾ ਲੱਗਦਾ ਸੀ,ਹੁਣ ਤਾਂ ਹੱਦ ਹੀ ਹੋ ਗਈ ਜਦੋਂ ਪਿਤਾ ਜੀ ਨੇ ਮੈਨੂੰ ਘਰ ਤੋਂ ਦੂਰ ਹੋਸਟਲ ਤੇ ਪੜਨੇ ਪਾ ਦਿੱਤਾ ਜਿੱਥੇ ਮੈਨੂੰ ਆਪ ਹੀ ਰੋਟੀ ਬਣਾਉਣੀ ਅਤੇ ਆਪਣੇ ਸਾਰੇ ਕੰਮ ਆਪ ਹੀ ਕਰਨੇ ਪੈਂਦੇ ਸੀ , ਨਾਲ ਨਾਲ ਪੜ੍ਹਾਈ ਵੀ, ਜਦੋਂ ਕੰਮ ਕਰਦਾ  ਤਾਂ ਹਮੇਸ਼ਾਂ ਪਿਤਾ ਜੀ ਨੂੰ ਹੀ ਦੋਸ਼ੀ ਮੰਨਦਾ ਇਸਦੇ ਲਈ,ਹੁਣ ਤਾਂ ਪਿਤਾ ਜੀ ਨੇ ਇਹ ਵੀ ਸੁਨੇਹਾ ਭੇਜ ਦਿੱਤਾ ਸੀ ਕਿ ਕਾਕਾ ਆਪਣੀ ਪੜ੍ਹਾਈ ਦੇ ਨਾਲ ਨਾਲ ਕੁੱਛ ਕੰਮ ਵੀ ਕਰ ਤੇ ਆਪਣੀ ਪੜ੍ਹਾਈ ਦਾ ਖਰਚਾ ਚੁੱਕ ਲੈ,ਜਦੋਂ ਆਪਣੇ ਯਾਰਾਂ ਦੋਸਤਾਂ ਨਾਲ ਬੈਠਣਾ ਤੇ ਅੰਦਰੋਂ ਅੰਦਰ ਇਸ ਗੰਮ ਨੂੰ ਪੀਣ ਦੀ ਬੜੀ ਕੋਸ਼ਿਸ਼ ਕਰਨੀ ਤੇ ਸੋਚਣਾ ਕਿ ਰੱਬਾ ਇਹੋ ਜਿਹਾ ਪਿਤਾ ਵੀ ਹੁੰਦਾ ਕਿਸੇ ਦਾ ਜੋ ਇਹਨਾਂ ਦੁੱਖੀ ਕਰੇ ਆਪਣੀ ਔਲਾਦ ਨੂੰ,ਅਜੇ ਕੁਝ ਕੋ ਹੀ ਦਿਨ ਕਾਲਜ ਚੋ ਗੁਜਰੇ ਤੇ ਘਰੋਂ ਅਚਾਨਕ ਫੋਨ ਆ ਗਿਆ ਕਿ ਬੇਟਾ ਤੇਰੇ ਬਾਪੂ ਜੀ ਠੀਕ ਨਹੀਂ ਤੁਸੀਂ ਤੁਰੰਤ ਘਰ ਵਾਪਿਸ ਆਓ, ਪਰ ਕੋਈ ਦੁੱਖ ਨਹੀਂ ਹੋਇਆ ਇਹ ਸਭ ਕੁੱਛ ਸੁਣ ਕਿ ਤੇ ਮਨ ਨੇ ਬਾਪੂ ਦਾ ਮੂੰਹ ਦੇਖਣਾ ਠੀਕ ਨਾ ਸਮਝਿਆ ਕਿਉਂਕਿ ਮੈਨੂੰ ਕੋਈ ਮੋਹ ਨਹੀਂ ਸੀ ਬਾਪੂ ਨਾਲ ਹੁਣ,ਅਗਲੇ ਦਿਨ ਫਿਰ ਫੋਨ ਆਇਆ ਤਾਂ ਘਰਦਿਆਂ ਵੱਲੋਂ ਜੋਰ ਦੇਣ ਤੇ ਪਿੰਡ ਵੱਲ ਨੂੰ ਹੋ ਤੁਰਿਆ ਜਦੋਂ ਦਰਵਾਜੇ ਅੰਦਰ ਪੈਰ ਹੀ ਰੱਖਿਆ ਸੀ ਪਿਤਾ  ਰੋਣ ਦੀ ਅਵਾਜ ਪਹਿਲਾਂ ਹੀ ਮੇਰੇ ਕੰਨਾਂ ਚੋ ਪੈ ਗਈ ਕਿ ਮੇਰੇ ਪੁੱਤ ਨੂੰ ਮਿਲਾ ਦਿਓ ਇੱਕ ਵਾਰ, ਆਪਣੀ ਉਮਰ ਖਾ ਚੁਕਿਆ ਬਾਪੂ ਜਦੋਂ ਮੇਰੇ ਕਾਲਜੇ ਨਾਲ ਲੱਗਾ ਤਾਂ ਮੈਂ ਚੁੱਪ ਚਾਪ ਉਸਦੇ ਰੋਂਦੇ ਤੇ ਤਰਲੇ ਪਾਉਂਦੇ ਦੇ ਮੂੰਹ ਵੱਲ ਹੀ ਦੇਖਦਾ ਰਿਹਾ ਮੇਰਾ ਮੂਡ ਨਹੀਂ ਬਾਪੂ ਨਾਲ ਗੱਲ ਕਰਨ ਨੂੰ, ਪਰ ਬਾਪੂ ਦੇ ਆਖਰੀ ਬੋਲ ਸੁਨ ਕਿ ਮੇਰੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕਦੀ ਨਜਰ ਆਈ ਜਦੋ ਉਹਨੇ ਕਿਹਾ ਕਿ ਪੁੱਤਰ ਕਈਆਂ ਸਾਲਾਂ ਤੋਂ ਤੈਨੂੰ ਦੂਰ ਰੱਖਿਆ ਆਪਣੇ ਕੋਲੋਂ ਤੇਰੇ ਤੋਂ ਉਹ ਕੰਮ ਵੀ ਕਰਵਾਏ ਜੋ ਪਿਤਾ ਕਦੇ ਵੀ ਨਹੀਂ ਚਾਉਂਦਾ ਕਿ ਉਸਦਾ ਮਾਸੂਮ ਪੁੱਤ ਇਹਨਾਂ ਕੰਮਾਂ ਦੀ ਪੰਡ ਆਪਣੇ ਸਿਰ ਚੁੱਕੇ ,ਪੁੱਤ ਮੇਰੀ ਮਜਬੂਰੀ ਸੀ ਮੈਂ ਤੈਨੂੰ ਆਪਣੇ ਤੋਂ ਦੂਰ ਕਰਕੇ ਇਸ ਦੁਨੀਆਂ ਚੋ ਰਹਿਣਾ ਸਿਖਾਉਣਾ ਚਾਉਂਦਾ ਸੀ ।ਇੱਕ ਦਿਨ ਮੈਂ ਤੁਰ ਜਾਣਾ ਤਿ ਮੇਰਾ ਪੁੱਤ ਮੇਰੇ ਆਸਰੇ ਕਿਤੇ ਆਪਣੀ ਜਿੰਦਗੀ ਦੇ ਅਸੂਲ ਅਤੇ ਇਸ ਬੇਲੋੜੀ ਦੁਨੀਆਂ ਵਿੱਚ ਕਿਵੇਂ ਕਾਮਯਾਬ ਹੋਊ,ਤੈਨੂੰ ਦੂਰ ਕਰਕੇ ਕਦੇ ਵੀ ਖੁਸ਼ ਨਹੀਂ ਰਿਹਾ ਤੇਰੀ ਤਸਵੀਰ ਹਮੇਸ਼ਾਂ ਮੇਰੇ ਦਿਲ ਵਿੱਚ ਰਹਿੰਦੀ ਸੀ, ਤੈਨੂੰ ਚੰਗੇ ਮਾੜੇ ਹਾਲਾਤਾਂ ਨਾਲ ਲੜਨ ਦੀ ਇੱਛਾ ਨਾਲ ਤੈਨੂੰ ਦੂਰ ਰੱਖਦਾ ਸੀ, ਕਿ ਤੂੰ ਦੂਰ ਰਹਿ ਕਿ ਆਪਣੇ ਆਪ ਜੋਗਾ ਕਾਮਯਾਬ ਹੋ ਜਾਏ, ਜਾਂਦੀ ਵਾਰ ਬਾਪੂ ਨੇ ਆਪਣੇ ਜੋੜੇ ਹੋਏ ਉਹ ਪੈਸੇ ਵੀ ਮੇਰੇ ਹੱਥ ਉੱਪਰ ਰੱਖ ਦਿੱਤੇ ਤੇ ਕਿਹਾ ਪੁੱਤ ਆਪਣਾ ਕਾਰੋਬਾਰ ਕਰਨ ਲਈ ਰੱਖ ਲੈ ਕੰਮ ਆਉਣਗੇ,ਅੱਜ ਉਹ ਪਹਿਲੇ  ਬਾਪੂ ਵਾਲੀ ਰੂਹ ਕਿਵੇਂ ਮਰ ਗਈ ਮੇਰੇ ਬਾਪੂ ਚੋ, ਸ਼ਾਇਦ ਬਾਪੂ ਨੇ ਮੇਰੇ ਭਵਿੱਖ ਲਈ ਆਪਣੇ ਜਿਗਰ ਦੇ ਟੁਕੜੇ ਨੂੰ ਦੂਰ ਰੱਖਿਆ ਜੋ ਮੇਰੇ ਨਾਲੋਂ ਵੀ ਜ਼ਿਆਦਾ ਤੜਫਦਾ ਸੀ ਮੇਰੇ ਨਾਲ ਟੈਮ ਬਿਤਾਉਣ ਨੂੰ ,ਤੇ ਮੈਂ ਕੁੱਛ ਹੋਰ ਹੀ ਸਮਝ ਬੈਠਾ ਸੀ ਅਣਜਾਣ ਪੁਣੇ ਚੋ, ਜਿਹਨਾਂ ਚਿਰ ਨੂੰ ਮੈ ਬਾਪੂ ਨੂੰ ਸੀਨੇ ਨਾਲ ਲਾਗਉਂਦਾ ਬਾਪੂ ਦੀ ਤਾਕਤ ਖਤਮ ਹੋ ਚੁੱਕੀ ਸੀ , ਜਾਂਦੀ ਵਾਰ ਇਹੀ ਕਹਿ ਗਿਆ ਪੁੱਤ ਮੈ ਤੈਨੂੰ ਇੱਕ ਕਾਬਲ ਇਨਸਾਨ ਦੇਖਣਾ ਚਾਹੁੰਦਾ ਸੀ ਜੋ ਆਪਣੇ ਬਲ ਬੂਤੇ ਤੇ ਤਰੱਕੀ ਕਰੇ, ਇਹ ਆਖਰੀ ਸ਼ਬਦ ਬਾਪੂ ਦੇ ਹਰ ਦਿਨ ਰਾਤ ਮੈਨੂੰ ਆਪਣੇ ਆਪ ਸ਼ਰਮਿੰਦਾ ਕਰਨ ਲਈ ਕਾਫੀ ਸਨ, ਜੋ ਮੇਰੇ ਤੋਂ ਗਲਤੀ ਹੋਈ, ਅੱਜ ਦੁਨੀਆ ਵਿੱਚ ਕਾਮਯਾਬ  ਤਾਂ ਹੋ ਗਿਆ ਪਰ ਬਾਪੂ ਨੇ ਕਦੇ ਕੁੱਛ ਮੰਗਿਆ ਨਹੀਂ ਮੇਰੀ ਕਾਮਯਾਬੀ ਚੋ ,।

ਲੇਖਕ:- ਜਗਜੀਤ ਸਿੰਘ ਡੱਲ, ਤਰਨ ਤਾਰਨ,ਪ੍ਰੈਸ ਮੀਡੀਆ,9855985137,8646017000

ਮਨੁੱਖੀ ਅਧਿਕਾਰ ਮੰਚ ਦੇ ਚੇਅਰਮੈਨ ਅਮਨ ਸਰਮਾਂ ਦੇ ਜੀਜਾ ਜੀ ਦੀ ਹੋਈ ਕਿਰਿਆ ਰਸਮ।

 

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਅੱਜ ਮਨੁੱਖੀ ਅਧਿਕਾਰ ਮੰਚ ਦੇ ਚੇਅਰਮੈਨ ਅਮਨ ਸ਼ਰਮਾ ਖਾਲੜਾ ਦੇ ਜੀਜਾ ਸ੍ਰੀ ਰਾਮ ਪ੍ਰਤਾਪ ਕਾਲੀਆ ਭਿੱਖੀਵਿੰਡ ਜੀ ਦੀ ਕਿਰਿਆ ਰਸਮ ਸ੍ਰੀ ਸੰਭੂ ਦੇਵ ਕੁਟੀਆ ਪਹੂਵਿੰਡ ਰੋਡ ਭਿੱਖੀਵਿੰਡ ਵਿਖੇ ਕੀਤੀ ਗਈ ਜਿਸ ਵਿੱਚ ਮੰਦਰ ਦੇ ਪੁਜਾਰੀ ਵੱਲੋਂ ਗਰੁੜ ਪੁਰਾਣ ਜੀ ਦੇ ਭੋਗ ਪਾਏ ਗਏ। ਜਿਸ ਵਿੱਚ ਵਿਸ਼ੇਸ਼ ਤੌਰ ਤੇ ਸਰਵਣ ਸਿੰਘ ਧੁੰਨ ਸੀਨੀਅਰ ਆਮ ਆਦਮੀ ਪਾਰਟੀ, ਮਨੁੱਖੀ ਅਧਿਕਾਰ ਮੰਚ ਦੇ ਆਲ ਇੰਡੀਆ ਵਾਈਸ ਪ੍ਰਧਾਨ ਮੁਖਤਿਆਰ ਸਿੰਘ ਗੱਗੋਬੂਹਾ ਅਤੇ ਜਿਲਾ ਤਰਨਤਾਰਨ ਦੇ ਮੇਨ ਪ੍ਰਧਾਨ ਸ ਸੁਖਦੇਵ ਸਿੰਘ ਭੁੱਲਰ ਪੱਟੀ ਪੈਟਰੋਲ ਪੰਪ ਵਾਲੇ,ਜਿਲਾ ਚੇਅਰਮੈਨ ਬੁੱਧੀ ਸੈਲ ਗੁਰਜੀਤ ਸਿੰਘ,ਬਲਾਕ ਵਲਟੋਹਾ ਤੋਂ ਚੇਅਰਮੈਨ ਐਂਟੀ ਕ੍ਰਾਈਮ ਬਲਜੀਤ ਸਿੰਘ ਵਰਨਾਂਲਾ ਤੇ ਨਾਲ ਬਲਾਕ ਪੱਟੀ ਦੇ ਕੇਪੀ ਸ਼ਰਮਾ "ਪੁੰਜ", ਸ੍ਰੀ ਕੇਵਲ ਸ਼ਰਮਾ ਮੱਖੀ ਵਾਲੇ, ਡਾ ਗੁਰਿੰਦਰ ਸ਼ਰਮਾ ਪੈਟਰੋਲ ਪੰਪ ਵਾਲੇ ਪੱਟੀ ਮੱਖੀ ਵਾਲੇ ਵਾਲਿਆਂ ਵੱਲੋਂ ਦੁੱਖ ਦੀ ਘੜੀ ਵਿੱਚ ਪਹੁੰਚ ਕੇ ਸ੍ਰੀ ਰਾਮ ਪ੍ਰਤਾਪ ਕਾਲੀਆ ਦੇ ਪੁੱਤਰ ਲਵਸ ਕਾਲੀਆ ਤੇ ਚੇਅਰਮੈਨ ਅਮਨ ਸ਼ਰਮਾ ਖਾਲੜਾ ਤੇ ਉਹਨਾਂ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ।ਇਸ ਮੌਕੇ ਕਾਲੀ ਆੜਤੀਆ ਭਿੱਖੀਵਿੰਡ,ਸੁਖਪਾਲ ਸਿੰਘ ਗਾਬੜੀਆ ਕੌਂਸਲਰ, ਨੀਰਜ ਧਵਨ ਕੌਂਸਲਰ ਭਿੱਖੀਵਿੰਡ,ਦੀਪੂ ਕੌਂਸਲਰ ਭਿੱਖੀਵਿੰਡ,ਵਿਨੇ ਮਲਹੋਤਰਾ ਯੂਥ ਵਿੰਗ ਪ੍ਰਧਾਨ ਅਕਾਲੀ ਦਲ ਭਿੱਖੀਵਿੰਡ, ਨਰਿੰਦਰ ਧਵਨ ਪ੍ਰਧਾਨ ਮਨੁੱਖੀ ਅਧਿਕਾਰ ਮੋਰਚਾ, ਪ੍ਰਧਾਨ ਗਹਿਲ ਸਿੰਘ ਕੋਟ ਬੁੱਢਾ,ਲਖਬੀਰ ਸਿੰਘ ਪ੍ਰੈਸ ਰਿਪੋਰਟਰ, ਵਿਕਰਮਜੀਤ ਅਰੋੜਾ ਖਾਲੜਾ,ਗਗਨਦੀਪ ਅਰੋੜਾ ਖਾਲੜਾ,ਬਾਬਾ ਬਿੱਲਾ ਸ਼ਰਮਾ ਪਹੂਵਿੰਡ ਰੋਡ ਭਿੱਖੀਵਿੰਡ,ਪ੍ਰਧਾਨ ਬੋਬੀ ਅਜ਼ਾਦ ਪ੍ਰੈਸ ਕਲੱਬ ਭਿੱਖੀਵਿੰਡ, ਸਲਪ੍ਰਸਤ ਅਜ਼ਾਦ ਪ੍ਰੈਸ ਕਲੱਬ ਸਵਿੰਦਰ ਸਿੰਘ ਬਲੇਰ, ਰਾਜਨ ਚੋਪੜਾ ਪ੍ਰੈਸ ਰਿਪੋਰਟਰ, ਮਨਜੀਤ ਸਿੰਘ ਪੱਟੀ ਪ੍ਰੈਸ ਰਿਪੋਰਟਰ,ਵਿੱਕੀ ਮਲਹੋਤਰਾ ਪ੍ਰੈਸ ਰਿਪੋਰਟਰ,ਸ੍ਰੀ ਦੁਰਗਾ ਦਾਸ ਰਿਟਾਇਰ ਐਸ ਡੀ ਐਮ ਸੀਨੀਅਰ ਸਮਾਜ ਸੇਵੀ ਅਮ੍ਰਿਤਸਰ, ਨਰੇਸ਼ ਕੁਮਾਰ ਸ਼ਰਮਾ ਰਿਟਾਇਰ ਇੰਸਪੈਕਟਰ ਪੋਸਟ ਆਫਿਸ, ਰਮਨ ਕੁਮਾਰ ਸ਼ਰਮਾ ਮੋਡਰਨ ਸੂ ਰੂਮ ਅਮ੍ਰਿਤਸਰ,ਅਰੁਣ ਸ਼ਰਮਾ ਜਾਈਂ ਅਮ੍ਰਿਤਸਰ,ਰਾਜੀਵ ਕੁਮਾਰ "ਬਬਲੂ" ਸਰਮਾ ਅਮ੍ਰਿਤਸਰ,ਹੀਰਾ ਲਾਲ ਸ਼ਰਮਾ ਅਮ੍ਰਿਤਸਰ,ਸੋਨੂੰ ਸ਼ਰਮਾ ਮੈਡੀਕਲ ਜੰਡੋ ਕੀ ਸਰਹਾਲੀ, ਪ੍ਰੇਮ ਪਾਲ ਸਾਧੂ "ਸ਼ਰਮਾ" ਖਾਲੜਾ ਸੀਨੀਅਰ ਅਕਾਲੀ ਆਗੂ, ਡਾ ਜਤਿੰਦਰ ਸ਼ਰਮਾ ਜਿਲਾ ਕੋਆਰਡੀਨੇਟਰ ਸੀਨੀਅਰ ਆਮ ਆਦਮੀ ਪਾਰਟੀ ਆਗੂ ਪੱਟੀ,ਮਾਸਟਰ ਰੋਸ਼ਨ ਕੁਮਾਰ ਖਾਲੜਾ,ਸੁਸ਼ੀਲ ਕੁਮਾਰ ਅਮ੍ਰਿਤਸਰ, ਰਾਮ ਪਾਲ ਚੋਪੜਾ,ਕਰਨਬੀਰ ਸਿੰਘ ਪਟਵਾਰੀ  ਭਿੱਖੀਵਿੰਡ,ਹੈਪੀ ਕੌਸ਼ਲ,ਦੀਪਕ ਚੋਪੜਾ,ਰਾਹੁਲ ਜੁੱਲਕਾ ਖਾਲੜਾ,ਸੋਨੂੰ ਸ਼ਰਮਾ ਨਵੀ ਬੂਟ ਹਾਉਸ, ਅਜੇ ਸ਼ਰਮਾ,ਬਬੂ ਸ਼ਰਮਾ,ਸੁਸ਼ੀਲ ਕੁਮਾਰ,ਅਮਿਤ ਕੁਮਾਰ,ਗੌਰਵ ਸ਼ਰਮਾ,ਧਰੂਵ ਕਾਲੀਆ,ਜੈ ਚੋਪੜਾ,ਬਿੱਲਾ ਧੁੰਨ,ਵਿਸ਼ਾਲ ਧਵਨ,ਮਨੀਸ਼ ਸ਼ਰਮਾ ਆਦਿ ਹਾਜ਼ਰ ਸਨ।

ਉੱਘੇ ਆਜ਼ਾਦੀ ਘੁਲਾਟੀਏ ਅਤੇ ਗੁਰਦੁਆਰਾ ਸੁਧਾਰ ਲਹਿਰ ਦੇ ਮੋਢੀ ਜਥੇਦਾਰ ਤੇਜਾ ਸਿੰਘ ਭੁੱਚਰ ਦੀ ਸਾਲਾਨਾ ਬਰਸੀ ਤਿੰਨ ਅਕਤੂਬਰ ਨੂੰ ਮਨਾਈ ਜਾਵੇਗੀ _ ਭੁੱਚਰ

 ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਉੱਘੇ ਆਜ਼ਾਦੀ ਘੁਲਾਟੀਏ ਅਤੇ ਗੁਰੁਦਆਰਾ ਸੁਧਾਰ ਲਹਿਰ, ਅਕਾਲੀ ਲਹਿਰ ਦੇ ਮੋਢੀ, ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ ਦੇ ਸਾਬਕਾ ਜਥੇਦਾਰ ਤੇਜਾ ਸਿੰਘ ਭੁੱਚਰ ਦੀ ਸਾਲਾਨਾ ਬਰਸੀ ਸਮਾਗਮ ਤਿੰਨ ਅਕਤੂਬਰ ਨੂੰ ਮਨਾਈ ਜਾਵੇਗੀ। ਇਹ ਜਾਣਕਾਰੀ ਜਥੇਦਾਰ ਤੇਜਾ ਸਿੰਘ ਭੁੱਚਰ ਦੇ ਪੋਤਰੇ ਸੁਰਜੀਤ ਸਿੰਘ ਭੁੱਚਰ ਨੇ ਪ੍ਰੈੱਸ ਨੂੰ ਦੇਂਦਿਆਂ ਦੱਸਿਆ ਕਿ ਹਰ ਸਾਲ ਦੀ ਤਰਾਂ ਜਥੇਦਾਰ ਤੇਜਾ ਸਿੰਘ ਭੁੱਚਰ ਯਾਦਗਾਰੀ ਕਮੇਟੀ ਅਤੇ ਇਲਾਕਾ ਨਿਵਾਸੀਆਂ ਵੱਲੋਂ ਮਜੀਠਾ ਰੋਡ ਅੰਮ੍ਰਿਤਸਰ ਤੇ ਪਾਵਰ ਕਾਲੋਨੀ ਦੇ  ਸਾਹਮਣੇ ਫਰੈਂਡਜ਼ ਐਵਨਿਊ ਦੇ ਅੰਦਰ ਸਥਿਤ ਗੁਰਦੁਆਰਾ ਹਰਿਗੋਬਿੰਦ ਸਾਹਿਬ ਵਿੱਚ ਮਨਾਈ ਜਾਵੇਗੀ। ਜਥੇਦਾਰ ਤੇਜਾ ਸਿੰਘ ਭੁੱਚਰ  ਨੇ ਗੁਰਦੁਆਰਾ ਸੁਧਾਰ ਲਹਿਰ ਦੀ ਅਗਵਾਈ ਕਰਦਿਆਂ ਬਹੁਤ ਸਾਰੇ ਇਤਿਹਾਸਕ ਗੁਰਦੁਆਰੇ ਪੰਥਕ ਪ੍ਰਬੰਧ ਹੇਠ ਲਿਆਂਦੇ, ਅੰਗਰੇਜ ਸਰਕਾਰ ਦੇ ਪਿੱਠੂ ਮਹੰਤਾ ਤੋਂ ਗੁਰਧਾਮ ਆਜ਼ਾਦ ਕਰਵਾਏ, ਅੰਗਰੇਜ ਸਰਕਾਰ ਵਿਰੁੱਧ ਅਖਬਾਰ ਛਾਪੇ, ਲੰਮਾ ਸਮਾਂ ਅੰਗਰੇਜ ਸਰਕਾਰ ਦੀਆਂ ਜੇਲ੍ਹਾਂ ਕੱਟਣ ਦੇ ਨਾਲ ਨਾਲ ਆਪਣੀ ਜਾਇਦਾਦ ਜਬਤ ਕਰਵਾਈ, ਤਸੀਹੇ ਝੱਲੇ ਪਰ ਅੰਗਰੇਜ ਸਰਕਾਰ ਅੱਗੇ ਝੁਕੇ ਨਹੀਂ। ਸ਼੍ਰੋਮਣੀ ਕਮੇਟੀ ਦਾ ਗਠਨ  ਉਨ੍ਹਾਂ ਦੇ ਯਤਨ ਸਦਕਾ 1920 ਵਿਚ ਹੋਇਆ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਅਕਾਲ ਤਖਤ ਸਾਹਿਬ ਅੰਮ੍ਰਿਤਸਰ ਦਾ  1920 ਵਿਚ ਜਥੇਦਾਰ ਨਿਯੁਕਤ ਕੀਤਾ ਗਿਆ। 14 ਦਸੰਬਰ 1920 ਨੂੰ ਉਨ੍ਹਾਂ ਦੀ ਜਥੇਦਾਰੀ ਹੇਠ ਸ਼੍ਰੋਮਣੀ ਅਕਾਲੀ ਦਲ ਦਾ ਗਠਨ ਹੋਇਆ। ਅਜਿਹੇ ਅਣਖੀਲੇ ਜਰਨੈਲ ਜਥੇਦਾਰ ਤੇਜਾ ਸਿੰਘ ਭੁੱਚਰ ਦੀ ਬਰਸੀ ਤਿੰਨ ਅਕਤੂਬਰ ਸੋਮਵਾਰ ਮਜੀਠਾ ਰੋਡ ਅੰਮ੍ਰਿਤਸਰ ਫਰੈਂਡਜ਼ ਐਵਨਿਊ ਦੇ ਗੁਰਦੁਆਰਾ ਹਰਿਗੋਬਿੰਦ ਸਾਹਿਬ ਵਿਖੇ ਮਨਾਈ ਜਾ ਰਹੀ ਹੈ। ਸਹਿਜ ਪਾਠ ਦੇ ਭੋਗ ਉਪਰੰਤ ਕੀਰਤਨ ਹੋਵੇਗਾ, ਉਪਰੰਤ 10 ਵਜੇ ਤੋਂ 12 ਵਜੇ  ਤੱਕ ਧਾਰਮਿਕ ਸਮਾਗਮ ਵਿੱਚ ਆਏ ਹੋਏ ਬੁਲਾਰੇ ਆਪਣੇ ਵਿਚਾਰ ਰੱਖਣਗੇ। ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਜਾਵੇਗਾ।

ਸੀ ਐੱਮ ਚਰਨਜੀਤ ਸਿੰਘ ਚੰਨੀ ਨੇ ਬਿਜਲੀ ਦੇ ਬਕਾਇਆ ਬਿੱਲ ਮਾਫ ਕਰਕੇ ਬਿੱਲਾਂ ਤੋਂ ਦੁਖੀ ਲੋਕਾਂ ਦੇ ਘਰ ਵਿੱਚ ਪਵਾ ਦਿੱਤੇ ਭੰਗੜੇ:- ਹਾਂਡਾ, ਸਰਪੰਚ ਸੇਵਾ ਸਿੰਘ

 

ਖਾਲੜਾ (ਜਗਜੀਤ ਸਿੰਘ ਡੱਲ, ਹਰਮੀਤ ਸਿੰਘ ਭੁੱਲਰ) ਅੱਜ ਜਦੋਂ ਹੀ ਸੀ ਐਮ  ਚਰਨਜੀਤ ਸਿੰਘ ਚੰਨੀ ਨੇ ਮੀਡੀਆ ਉੱਤੇ ਬਿਆਨ ਦਿੱਤੇ ਕਿ ਜਿਹਨਾਂ ਦੇ  ਬਿਜਲੀ ਦੇ ਬਕਾਇਆ ਬਿੱਲ ਹਨ ਉਹ ਮੁਆਫ ਕੀਤੇ ਜਾਣਗੇ  ਅਤੇ ਲੋਕਾਂ ਨੂੰ ਇਹ ਸਹੂਲਤ ਦੇਣ ਲਈ  ਜਿੱਥੇ ਪੰਜਾਬ ਸਰਕਾਰ ਦੇ ਲੱਖਾਂ ਰੁਪਏ ਖ਼ਰਚ ਹੋਣਗੇ ਉੱਥੇ ਹੀ ਅੱਜ  ਉਨ੍ਹਾਂ ਘਰਾਂ ਵਿੱਚ ਖ਼ੁਸ਼ੀ ਵਿੱਚ ਭੰਗੜੇ ਪਾਏ ਗਏ ਜਿਨ੍ਹਾਂ ਦੇ ਬਿਜਲੀ ਦੇ ਲੱਖਾਂ ਹਜ਼ਾਰਾਂ ਬਿੱਲ ਬਕਾਇਆ ਸਨ।  ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ  ਉੱਘੇ ਕਾਂਗਰਸੀ ਆਗੂ ਰਾਜ ਕੁਮਾਰ ਹਾਂਡਾ ਅਲਗੋਂ  ਅਤੇ ਸਰਪੰਚ ਸੇਵਾ ਸਿੰਘ ਮੰਗੋਲ ਵੱਲੋਂ ਪ੍ਰੈੱਸ ਨਾਲ ਕੀਤਾ ਗਿਆ । ਉਨ੍ਹਾਂ ਸੀ ਐਮ ਦੇ ਇਸ ਫੈਸਲੇ ਨਾਲ ਖੁਸ਼ ਹੁੰਦੇ ਕਿਹਾ ਕਿ ਜੋ ਸਰਕਾਰਾਂ ਕਦੇ ਵੀ ਇਹੋ ਜਿਹੇ ਇਤਿਹਾਸਕ ਫ਼ੈਸਲੇ ਨਹੀਂ ਕਰ ਪਾਈਆਂ  ਉਹ ਪੰਜਾਬ ਦੇ ਨਵੇਂ ਸੀ ਐਮ ਵੱਲੋਂ ਕਰਕੇ ਲੋਕਾਂ ਦਾ ਦਿਲ ਜਿੱਤ ਲਿਆ ਹੈ ਅਤੇ ਅਸੀਂ ਉਮੀਦ ਕਰਦੇ ਹਾਂ ਕਿ ਹਰ ਪਲ ਹਰ ਘੰਟੇ ਨੂੰ ਤੇ ਹਰ ਦਿਨ ਨੂੰ ਸੀ ਐਮ ਸਾਬ  ਨਵੀਂਆਂ ਤੋਂ ਨਵੀਆਂ ਸਹੂਲਤਾਂ ਪੰਜਾਬ ਦੇ ਲੋਕਾਂ ਨੂੰ ਦੇਣਗੇ  ਅਤੇ ਪੰਜਾਬ ਸੂਬਾ ਇੱਕ ਬਾਹਰਲੇ ਦੇਸ਼ ਵਰਗਾ ਸੂਬਾ ਬਣ ਜਾਏਗਾ ਜਿੱਥੇ ਕੋਈ ਸਹੂਲਤਾਂ ਦੀ ਘਾਟ ਨਹੀਂ ਹੋਏਗੀ।  ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਜਦੋਂ ਦੇ ਸੀ ਐਮ ਚੰਨੀ ਬਣੇ ਹਨ  ਅਤੇ ਲੋਕਾਂ ਦੀਆਂ ਸੁਤੀਆਂ ਹੋਈਆਂ ਉਮੀਦਾਂ ਜਾਗੀਆਂ ਹਨ ਅਤੇ ਆਉਣ ਵਾਲੇ ਸਮੇਂ ਵਿੱਚ  ਕਾਂਗਰਸ ਦੀ ਸਰਕਾਰ ਫਿਰ ਬਣ ਕੇ ਲੋਕਾਂ ਦੀ ਸੇਵਾ ਕਰੇਗੀ  ।

 ਨਵੀਂ ਉਮੀਦ ਨਾਲ ,ਮੈਂ ਪੰਜਾਬ ਬੋਲਦਾ ਹਾਂ  

ਨਵੀਂ ਉਮੀਦ ਜੀ ,ਮੈਂ ਪੰਜਾਬ ਬੋਲਦਾ ਹਾਂ ਮੈਂ ਪੰਜਾਬ ਦਾ ਦੁੱਖ ਦਰਦ ਫਰੋਲਦਾ ਹਾਂ ,ਕਈ ਸਾਲਾਂ ਤੋਂ ਇੱਥੇ  ਤਰੱਕੀ ਬੇਰੁਜ਼ਗਾਰੀ ਅਤੇ ਨਸ਼ਿਆਂ ਦੀ ਮਾਂ ਬੋਲਦਾ , ਇੱਥੇ ਮਰ ਚੁੱਕੇ ਮੇਰੇ ਦਾਦੇ ਪੜਦਾਦੇ ਬੁਨਆਦੀ ਸਹੂਲਤਾਂ ਨੂੰ ਤਰਸਦੇ ਤਰਸਦੇ ਮੈਂ ਤਾਂ ਬੋਲਦਾ ਹਾਂ, ਮੇਰੀ ਛੋਟੀ ਉਮਰ ਤੋਂ ਲੈ ਕੇ ਅੱਜ ਤੱਕ ਖਾਧੇ ਧੱਕੇ ਤਾਂ ਬੋਲਦਾ ਹਾਂ  ,ਇੱਥੇ ਨਸ਼ਾ ਭੁੱਖਮਰੀ ਬੇਈਮਾਨੀ ਲੁੱਟਾਂ ਖੋਹਾਂ  ਤੇ ਭਲੇਮਾਨਸ  ਇਨਸਾਨਾਂ ਦੇ ਹੁੰਦੇ ਕਤਲਾਂ ਦੀ ਥਾਂ ਬੋਲਦਾ ਹਾਂ।ਮੈਂ ਚਾਹੁੰਦਾ ਹਾਂ ਮੇਰੇ ਪੰਜਾਬ ਵਾਸੀਆਂ ਲਈ  ਉਹ ਸੁਪਨੇ ਜੋ ਮੇਰੇ ਭਗਤ ਸਿੰਘ ਨੇ ਸੰਜੋਏ ਸੀ ਉਹ ਉਨ੍ਹਾਂ ਨੂੰ ਮਿਲਣ ਮੈਂ ਤਾਂ ਬੋਲਦਾ ਹਾਂ  ਮੇਰੇ ਪਿੰਡ ਮੇਰੇ ਸ਼ਹਿਰ ਦੀਆਂ ਟੁੱਟੀਆਂ ਗਲੀਆਂ ਅੱਧ ਵਿਚਾਲੇ ਲਟਕੇ ਕੰਮ  ਧੀਆਂ ਦੀ ਰੁਲਦੀ ਪੱਤ ਨੂੰ ਦੇਖ ਕੇ ਧਾਵਾ ਮਾਰ ਮਾਰ ਬੋਲਦਾ ਹਾਂ।

ਮੈਂ ਚਾਹੁੰਦਾ ਹਾਂ ਪੰਜਾਬ ਵਿੱਚ ਤਰੱਕੀ ਖੁਸ਼ਹਾਲੀ ਹਰ ਵਰਗ ਦਾ ਮਾਣ ਸਨਮਾਨ ਹੋਵੇ  ਇਸ ਕਰ ਕੇ ਕੋਈ ਨਵੀਂ ਦੀ ਸਰਕਾਰ ਦਾ ਬਦਲਾਅ ਬੋਲਦਾ ਹਾਂ  ,

ਉਹ ਨਾ ਹੋਵੇ ਕਿਤੇ ਪਹਿਲੀਆਂ ਸਰਕਾਰਾਂ ਵਾਂਗ ਈ  ਲਾਰੇ ਲੱਪੇ ਲਾ ਕੇ ਉਹੀ ਚਿਹਰੇ ਇਸ ਪਾਰਟੀ ਵਿੱਚ ਸ਼ਾਮਲ ਕਰਕੇ ਰਹਿੰਦੀ ਖੂੰਹਦੀ ਲੋਕਾਂ ਦੀ  ਸਿਆਸਤ ਪ੍ਰਤੀ ਉਮੀਦ ਟੁੱਟ ਜਾਵੇ ਤੇ ਇੱਕ ਵਾਰ ਫੇਰ ਸੜਕਾਂ ਤੇ ਲੋਕਾਂ ਦਾ ਮਾਣ ਸਨਮਾਨ ਰੁਲ ਜਾਵੇ, ਮੈਂ ਤਾਂ ਬੋਲਦਾ ਹਾਂ, ਇੱਥੇ ਇਲਾਜ ਤੋਂ ਚੰਗੀ ਪੜ੍ਹਾਈ ਤੋਂ ਅਤੇ ਕਰਜ਼ੇ ਵਿੱਚ ਡੁੱਬੇ ਕਿਸਾਨ ਦੀ  ਹੁੰਦੀ ਮੌਤ ਨੂੰ ਦੇਖ ਕੇ ਮੇਰੇ ਤੋਂ ਜਰਿਆ ਨਹੀਂ ਜਾਂਦਾ ਮੈਂ ਤਾਂ ਬੋਲਦਾ ਹਾਂ, ਏਥੇ ਮੇਰੇ ਗੁਰੂ ਮਾਸਟਰ ਘਰ ਘਾਟ ਵੇਚ ਕੁੱਟ ਖਾਂਦੇ ਸੜਕਾਂ ਤਿ ਮੈਂ ਤਾਂ ਬੋਲਦਾ ਹਾਂ।  ਇਕ ਆਖ਼ਰੀ ਉਮੀਦ ਨਵੀ ਪਾਰਟੀ  ਦੀ ਹੈ ਜੇ ਉਹ ਚੰਗੀ ਸਰਕਾਰ ਜੇ ਦੇ ਦੇਵੇ ਜਾਵੇ ,ਕਈ ਸਾਲਾਂ ਤੋਂ ਉੱਜੜ ਰਹੇ ਪੰਜਾਬ ਨੂੰ ਉਹ ਮਾਣ ਸਨਮਾਨ ਜੋ ਉਸ ਦਾ ਬਣਦਾ ਹੈ ਜੇ ਮਿਲ ਜਾਏ ਤਾਂ ਮੈਂ ਫਿਰ ਜੈ ਜਵਾਨ ਜੈ ਕਿਸਾਨ ਬੋਲਦਾ ਹਾਂ ।ਜੇ ਇਸ ਨਵੀਂ ਪਰਟੀ ਨੇ ਵੀ ਕੀਤਾ ਪੰਜਾਬ ਨਾਲ ਧੋਖਾ ਤਾਂ ਫਿਰ ਫ਼ਰਕ ਕੀ ਰਹਿ ਜਾਵੇਗਾ ਉਨ੍ਹਾਂ ਲੋਕਾਂ ਅਤੇ ਕਈ ਸਾਲਾਂ ਤੋਂ ਨਵੀ ਪਾਰਟੀ ਨੂੰ ਉਡੀਕਣ  ਦਾ  ਜੋ ਕਈ ਸਾਲਾਂ ਤੋਂ ਲੁੱਟਦੇ ਆਏ ਹਨ ਪੰਜਾਬ ਨੂੰ ਮੈਂ ਤਾਂ ਬੋਲਦਾ, ਇੱਕ ਵਾਰ ਪੰਜਾਬ ਨੂੰ ਫਿਰ ਸਵਰਗ ਬਣਿਆ ਦੇਖਣਾ ਹੈ ਮੈਂ ।

ਜਗਜੀਤ ਸਿੰਘ ਡੱਲ ਦੇ ਰਾਹੀਂ ਤਾਂ ਬੋਲਦਾ ਹਾਂ।

ਰਚਨਾ :- ਜਗਜੀਤ ਸਿੰਘ ਡੱਲ,ਪ੍ਰੈਸ ਮੀਡੀਆ, 9855985137,8646017000